Australia Chin Mi Nih Malaysia Le India Mi Auhnak (202) Tuah Tikah Ralrin Ding Tampi A Um

Biahmaitti ah Australia nih Chin mi ralzam (202) laknak kong hi zei thawngpang hmanh a thar um lo. Ai thleng mi zong a um lo. Perth Kei si ah, Melbourne lei si ah a kan pek mi information ai khat ko. An chim peng mi cu khuate lei (regional areas) um mi lawng lawng hi hawihlei in kan ruah hna la ti a si ko. Ahlei bik in Melbourne cu Lai mi tambak bik a si tikah nai ten thawng an thanh cang ka in Melbourne in 202 auhnak form a tuahh mi pawl hi Zarh (2-4) kar ah reject ca lawng te an kuat thluahmah cang hna.

Aluancia kum 3-4 li ah duh paoh mi auhnak kan tuah mi le Citizenship kan sok mi cu ni hin ni ahcun kan mithli tlaknak dirhmun ah a kan chia tu ah an si thluahmah cang.

Fak piin ralrin kan herh:

1. Australia Cozah nih Chin ralzam hi  mihrokhrol in a kan hmuh pah thluahmah  cang. Hi ti a kan hmuhnak hi 2016 in Citizenship kan sok nak in ai thawk.

2. 2019-2020 cun kan hliah a lang thluahmah  cang lai. Kan mual a phonak tu hi Australia news agency pawl sin sual ahcun fak piin Cozah nih a kan ngiat chinchin cang lai.

3. Nan chungkhat sahlawhrual chan pawl hi unau in au hna hlah uh. Unau a si lo mi nih unau an i au. Mah an auh mi nih a unau taktak kha unau le chungkhat hna in 202 auhnak an tuah. Cun, nu lei nih auhnak tuah mi reject a ton cang mi kha pa lei nih unau taktak hna in mi auhnak nan tuah than tikah hrokhrol thil nan tuah mi kha Immigration
Dept (Home Affairs) nih fawi tuk in an theih.

4. Australia Cozah nih min zumh lo mi a um tikah UNHCR an chawnh colh peng. Australia a phan cang mi min le chuah kum, khua tiang ai khat mi hna US ah a phan mi an um. Mah tiang cu kan Cozah nih an kan
dawi cuahmah cang.

5. UNHCR luh lio le Australia High Commission Interview lio ah unau cazin pek ti lo mi DNA kan check ko u. Kan u/nau – ka fa bak a si ko tiah mi auhnak a tuah mi pawl ruang ahkhin Home Affairs khi fak tuk in lunghrinh nak a
pek hna. Mah pawl thil siseh, ralzam nih zeitindah innthawngsuh cazin le hmetpungtin
a deu pek/ap nak nih a tu cu Chin miphun paohpaoh a kan sio dih cang.

6. Australia Chin miphun hi kan him ti lo.  Aruang cu tuan le tlai ah news agency a lian mi sin ah kan kong a phan kho te. Khi tikah Chin miphun a kan dawtu cheukhat pawl cu an ningzak ngai lai. A chir zong an i chir ngai
kho mi dirhmun an phan lai lo kan ti kho lo.

Note: Ahnu ah tam deuh ka tial te lai.

Credit: Sang Hre