China Nih Thlapa An Phanh Khawh Ve Cang

BEIJING (Reuters) –  China nih December thla chungah khan thlapa tlawng dingin vancunglawng ( spacecraft) an thlah. An thlah mi Spacecraft nih hlawhtling taktak in nili ni akhan Thlapa a va phanh khawh tiah Reuters nih a langhter.

China nih an thlahmi hi Chang-e 4 tiah an kawh. December thla canceo hrawng ahkhan Thlapa a va phak khawh cang. A sinain nili zing nazio 10:26 a.m ah thlapa cungah a va ttum kho tiah China National Space Administration  nih an chim.

Image result for chinese spacecraft lands on moon

China nih thlapa cungah an thlahmi Space craft a va ttum nak hmun hi thlapa a hmuihnak leikap ah a si. Thlapa a muihnak leikam hi an hmu kho rih lo. Tutan ah China nih hlawhtling taktak in a muihnak leikam an va phanh khawh tikah lawnhnak in an khat.

China nih thlapa cungah space craft hi an rak thlah bal cang . A sinain thlapa cungah an ttum ter ballo. Tutan hi a voikhat nak thlapa cungah Space craft an ttum ter khawh a si. A minung belte thlapa cung a phan kho mi an um rih lo.

Thlapa cungah minung an thlah pah tawn ko hna nain thlapa a lam kho taktak mi hi an tlawm rih. Thlapa a lam kho tu hi vawleicungah US lawng an si rih tiah Reuters nih a langhter chap.

Ref: Reuters