Dr. Aung Myint Thang: “Holhtheihlo Debate Zong Tuah Hna Usih, A Pommi Minung 100 Ra U, Keimah Lawng Ka Si Lai”

Atulio a linsa ngaimi Rev. Dr. Rual Uk le Salai Samuel nih ‘Oneness le Trinity’ kong debate an tuah dingmi he pehtlai in Rev. Dr. Rual Uk nih, “Baibal debate nâk kong a reltu fb unau hna lungsau in rak hngak ko u. Debate nâk ding hmun UPC Biakinn hal a si i Bawipa ni ah a fiang te lai.

“An sian lo sual ah cun biakinn dang, asiloah Carson Hall tibantuk hlân a herh te lai i lungsau in rak hngak ko u” tiah Global Rawn Chin Media ah a tial.

Cu a tialmi tangah ah Dr. Aung Myint Thang nih a tanglei bang hin a comment.

“Holhtheihlo debate zong i tuah hna sih law pei ka duh cu. A pawm mi 100 in ra uh. Keimah lawng ka si la.”

Dr. Aung Myint Thang nih a cunglei bangin a comment mi hi Rev. Dr. Khamh Bawi nih ai tuar kho ve lo i, a tanglei bang hin a comment chin ve.

Dr. Aung Myint Thang kha rak chim u. Pathian nih a hman bakmi Pastor Hoi Cung Tum nih Evan. Tial Mang a rak zuamcawh bal i Hakha i Pyi-daw-ta sangah an rak tuah i Tape in an aw an rak khumh hna. Cu ka hmun i aa telmi vialte nih Evan. Tial Mang nih a tei an ti dih. Zeiruangah tiah cun Thiang Thlarau nih Evan. Tial Mang a bawmh caah a si. Thiang Thlarau nih dirpimi le Bawmhmi cu mifim le mithiam nih tei khawh an si lo! (1 Kor. 2. Lam. 4).” tiah a comment.

Atulio Laimi kan pale Pathian riantuantu thenkhat hna hi Khrih thawngtha va phuan/chim ziar ko loin, mipi caah thathnemnak le hlawknak zong a um lomi, mi lungthin tuaitamtertu menmen Facebook cahmai ah an tar lengmangmi hi cu a poi ngaingai.

3 Comments on Dr. Aung Myint Thang: “Holhtheihlo Debate Zong Tuah Hna Usih, A Pommi Minung 100 Ra U, Keimah Lawng Ka Si Lai”

  1. Dr.Aung Myint Thang nih Holhtheihlo a pommi 100 a ti maw?

    Keimah Tluang Lian (Martar) he kan i Debate lai.

    Kan i Debate ning cu tihin si lai.Thla kan cam lai.1.Holhtheihlo hi Bible Biakamthar ah a um lo a si ahcun,kei ka thi lai.A um si le a nih a thi lai.

    2.Thih taktak taitai cu a rel deuh lai lo ti si le a rauh hlan ah,Biakamthar ah Holhtheihlo a um lo so le kei ka mualpho lai.A um si le a nih a mual pho lai.

    Hihi Media nih kan pehtonh u.

Leave a Reply

Your email address will not be published.


*