FARE Nih Balotelli An Chanh

UEFA tangah a ummi miphun thleidannak a dohtu phu Football Against Racism in Europe (FARE) nih Mario Balotelli an chanh i, Nice hmaikal nih hin thil pakhatkhat a can tikah card pek nakcha cun referee te venhim a herh deuhnak kong a chim.

Image result for Balotelli and Dijon yellow card

Italian hmaikal Balotelli hi kan hnu nirukni zanah khan Dijon he an chuih lioah minak a si ruangah nehsawh a tong i, cu kong cu puai tlangtlatu referee Nicolas Rainville sin a va chim tikah referee nih hin amah lehlam yellow card a rak pek.

Image result for Balotelli and Dijon yellow card

Kum 27 a simi Balotelli nih hin minute 72nk ah kawl khumh khawhnak caanṭha a ngeihmi a tlolh hnuah Dijon fan pawl cu ngol dingin a ti hna i, cucu holh loin a cawlcangh ningin a langhter.

Image result for Balotelli and Dijon yellow card

FARE nih French league hi Europe leiṭhen chungah miphun kip an i cawhnak bik a si ruangah player hna nih harsatnak an ton i an soisel ahcun referee hna nih chanh tawn hna seh ti an duhnak kong an chim i, Balotelli zong hi yellow card pek nakcha cun referee le official hna nih chanh deuh hna seh ti an duhnak kong zong an chim fawn.

Nice's Italian forward Mario Balotelli (L) vies with Dijon's French-Algerian midfielder Mehdi Abeid during the French L1 football match between Dijon FCO and OGC Nice on February 10, 2018 at the Gaston Gerard stadium in Dijon, central-eastern France. /

English football ah miphun thleidannak a dohtu phu nganpi a simi Kock It Out zong nih Balotelli yellow card an pekmi hi an khuaruah a harnak kong an langhter ve.