February Ni 7, 1979 Tuanbia: A Min A Chia Ngaingaimi Nazi Sibawi Dr. Josef Mengele!

07.02.1979 ni le caan ah a thang a chia   ngaingaimi    Nazi sibawi    Dr. Jesef Mengele,   Thihnak Vanmi (angel of death) tiah auhmi pa le   Auschwitz Thihnak Hmun Pi ah sii lei   hneksaknak a rak tuahtu, cu a rak thi.

Kum 1934 ah Mengele cu   ‘Nazi Institute for Hereditary Biology’   le   ‘Racial Hygiene’   cawnnak ah a rak lut. 1943 ah Poland i a rak ummi   ‘Auschwitz thihnak hmun pi’        chung i  a ttuanmi sibawi vialte lakah hruaitu ah thim a rak si.

Hi sibawi pa    nih hin an tlaihmi sal    pawl kha a zoh a zoh hna i, thah colh awk  a simi    le rian ttuanter awk a simi    kha a tthen hna.  Amah nih   hihi cu thah siseh a ti    ahcun    thah colh asiloah thah   ding paohpoah    pumh hna i, a bubu   in thah an rak si tawn.    Hi Jew hi cu rian ttuan seh a ti ahcun a har khawh chung har in ttuanter. Rian   ttuantermi   hna zong hi  a hnu ahcun thah   tthiamtthiam an rak si tawn.

Judah   a tlaihmi hna kha sii   lei a   fimcawnnak    ah a hman hna, an nung bu in a hman hna, an taksa a khuaihlai hna pinah a thi ciami mit zong a laak i cawnnak ah a hman hna.

Faphir le bang cu  a zuah bak hna lo,   faphir kongah     fimcawnnak   sang pi ngeih a duh caah amah rem a tit i paoh in a tuahto hna.

Tuanbia Tawi