India : Pakistan Nih An Tuh Bangin An Zun Lai

NEW DELHI/SRINAGAR,India (Reuters) –  India ram Kashmir i hriamtlai tapung nih India ralkap 6 an thah hna hnu in  na tuh bangin na zun lai tiah India nih Pakistan warning a pek. Niruk ni ahkhan Kashmir ah a ummi India ralkap sakhan cu tapung pawl nih an luhhnawh hna i faklak in an phomh hna, India ralkap 6 le ramchung mi pakhat an thi, cu pinah ralkap 10 renglo nih hliamfak an tuar.

India ralkap zong nih tapung pawl cu pathum renglo an thah ve hna. Tapung pawl cu India ralkap nih an dotthlat hna tikah Pakistan cozah nih hriamnam in a bawmh mihna an si tiah fiang ko in an hmuh khawh. India cozah a thinhung tuk i na tuh bantuk bakin na zuun ve hrimhrim lai tiah Pakistan cu warning an peknak hi a si.

Niruk ni i India ralkap a kaptu hna tapung pawl chungah Pakistan-based Jaish-e-Mohammad (JeM) ralkap zong an i tel tiah India nawlngeitu nih an chim. India le Pakistan hi naihrawng cu an i remlonak a linsa chin lengmang. India ralkap a dohtu tapung pawl khi Pakistan nih a thli tein a bawmh mihna an si, cucu India fiang tuk in an theih caah Pakistan zong ralrin a peknak hi a si.

Ref: Reruters

Be the first to comment

Leave a Reply

Your email address will not be published.


*