IS Ralhrang Nih Khrihfa Minung 2 An Thah Hna

A Christian comforts to a woman, who lost her husband in the firing incident, at a hospital in Quetta, Pakistan, Sunday, April 15, 2018. Pakistani police say gunmen have opened fire on worshippers coming out of a church in the southwestern city of Quetta, killing few people and wounding some others. (AP Photo/Arshad Butt)

ISLAMABAD — Pakistan,  Quetta khuapi ah Pathian thangtthat in a rak chuak cuahmah mi Khrihfa pawl cu ralhrang nih meithal in an kah hna, Khrihfa minung pahnih an nunnak a liam, a dang minung 5 nih hliamfak an tuar tiah VOA nih a langhter.

Khrihfa pawl cu Pathian ni chunah pumhnak an ngei hna, pumh an dih i an chuah leiah ralhrang pawl cu motorcyle an van i cit i meithal in Khrihfa pawl cu an kah hna, ralhrang pawl cu an zamh colh tiah Pakistan palik nih an chim. Caan tlawmpal a rauh hnu ah Khrihfa pawl a kaptu kan mah kan si tiah IS ralhrang nih an media Amaq news agency ah an phuan.

Pakistan ahhin Khrihfa pawl an him lo ngaingai. Tu thla chung lawngah voihnih khengte ralhrang nih Khrihfa mi cungah thahnawnnak an tuah cang. April 2 lioah khan khuapi chungah rickshaw in a leng cuahmah mi Khrihfa minung pali hna cu IS ralhrang nih meithal in an kah hna i minung pali nunnak a rak liam hoi cang. A thi mihna hi chungkhar khat an si hna tiah VOA nih a langhter.

Kum 2017, December thla ahkhan ralhrang nih Quetta khuapi i Khrihfa biakinn ah nunthap bomb pahnih an puah hnawh hna i Khrihfa minung 9 an rak thi hoi cang. Khrihfa mi nih ralhrang kut an tuar tuk caah Pakistan cozah sinah a si khawh chungin Khrihfa mi caah tuanvo lak piak dingin Khrihfa nih Cozah sinah an nawl hna.

Ref: VOA