Israel Hi Biatak Tein Ralthawh An Tim Cang Rua

Israel nih a raltuknak vanlawng ttha taktak mi F-16 a sungh hnu in a ral hriamnam tthattha pawl hmunkip ah timhcia tein a chiah hna. Israel timhtuah zoh tikah biatak tein ralthawh ai timmi a lo cang. Israel ram chaklei kap i  Baka al-Gharbiya khuapi leiah Israel ralkap nih an hriamnam tthattha le missile pawl cu truck motor tamlak in an kalpi tiah mithmu tu pakhat nih a chim.

Israel ram chaklei kap hi Syria leiin Israel ramchungah drone an rak zuanter lengmang nak hmun a si. Cu ka hmun leiah Israel ralkap nih an chiahmi an hriamnam pawl cu ral nih rocket an kah tikah a rak kap tla khotu Iron Dome, Israel ramchungah Missile an rak kah tikah a rak khamtu Arrow system , cun lamhla lamnai in Israel ramah ballistic missile an kah tikah a rak kham khotu le 40 km in 300 km hrawngin Israel ramlei ah cruise missiles an rak kah tikah a rak kham kho tu David’s Sling missile-defense system pawl zong an i tel tiah an chim.

Image result for israel preparing for war

Tutan i Israel nih a hriamnam tthattha Israel ram chaklei kap i a chiah hna tikah Israel hi biatak tein ralthawh ai timmi a lo ngaingai. Kan hnuzarh ahkhan Israel raltuknak vanlawng F-16 cu Syria ralkap nih tla bakin an rak kah piak hna, Israel a thinhang tuk i Syria ramchung a ummi Iran ralkap pawl le Syria ralkap umnak hmun zong fak taktak in a kah piak ve hna.

Naihrawng hrang hi Israel, Syira le Iran karlak rem lonak a linsa taktak. Ruah lo piin hi hna ramthum hi ral a tho kho mi an si. Raltho hna sehlaw Israel hi a mah lawng te lai, Syria le Iran nih fak ngaiin an phomh te lai. Asinain Israel hi a hriamnam neih mi le a ralkap pawl an thiam tuk ve caah Iran le Syria ralkap zong fak taktak in a phomh ve te hna lai. Cu ti men cun Syria le Iran nih Israel hi an tawng kho tuk lai lo.

Ref: The Jerusalem Post