Israel Le Hamas Ralhrang Buainak A Linsa Chin Lengmang. Ralhrang Nih Israel Bus Puak Viar An Kah

Pathian nizan ah Israel Special ralkap le Gaza Strip ah hmun a khuarmi Hamas ralhrang pawl cu fak lak an va phomh hna. Ralhrang pa 7 an va thah khawh hna, an thah mihna chungah an hruaitu pakhat zong ai tel. Israel Special ralkap lei zongin minung pakhat a nunnak a liam pinah a dang pakhat nih fak taktak in hliam a tuar ve.

Hamas ralhrang nih nikhat ni zanah Israel cu fak taktak in an van phomh ve hna. Voi 300 hrawng rocket le miakpi in Israel ram an kah. Israel civil minung pahra nih nih an i citmi Bus zong Hamas ralhrang nih rocket in an kah ciammam i Bus zong a puak viar. Bus ai citmi Israel mi zong fak lakin hliam an tuar, a thimi an um hraw lo tiah VOA nih a langhter.

Israel ralkap nih leklak lehrulh an cham colh ve hna. Raltuknak vanlawng in Hamas ralhrang pawl nih an hmanmi Hamas’s Al-Aqsa Television cu an kah piak ciammam ve hna i an hrawh cikcek. Cu pinah ralhrang pathum an thah khawh rih hna tiah VOA nih a langhter.

Israel le Hamas ralhrang buainak hi a zual lei a panh thluahmah cang, biatak tein ral zong thawh khawh an si cang. Hamas ralhrang leiin rocket voi 300 renglo Israel ram an kahnak kongah US nih Hamas ralhrang sual a phawt hna. Israel leiah kan ttang, kan dirpi hna. Israel nih a ram le mipi runvennak caah a duh ning paoh a lehrulh khawh hna tiah US lei nih an chim ve.

Ref: VOA