Israel Mifimthiam Pangpar Hmuhmi Nih Khuaivah An Rat Kha A Theih i, A Hliti A Thlumter!

  • ISRAEL, Tel Aviv ___Tel Aviv Sianghleiruun mifimthiam nih an hmuhmi a si. Pangpar hi a nungmi a si timi cu science fimthiamnak nih a kan chimhmi a si. Pangpar nih hnakhaw a ngei timi cu lau awk a um lo, a paar tlaap tete khi an si ko, a paar chung i a ummi tlaap tete khi mu.

Pelep le khuai nih a hliti duh in an fuhpanh zawn ah pangpaar nih  nun siang ngai in thlumthlum a hliti cu tik tik tik seken 3 chungah a tlumter deuh ee ti a si. A ‘romantic’ ngai te, Lai holh in ka fianh khawh lo bia, an karah dawtnak aw-zai maw duhnak muisam a leeng ti ko usih. A pangpaar min hi “evening primrose” ti a si, Lai holh cun “zing hmui rose paar” ti ko usih.

Hi pangpaar nih theihnak hna a ngeihmi nih hin aw a thang tukmi cu a let lem lo, amah bochan in a nungmi khuaivah bantuk  vii-vuu thla zah  thawng lawng a cohlan.

Pangpaar zong nih hin anmahle sining in ruahnak an ngei ve ti ding si ko; aruang cu pangpaar nih thei a tlai nakding le ci a ngeih khawh nakding ah thakza pawl hi a herh ve hna. Ka herh ve hna caah annih nih ka hliti an duh ahcun ka thlumter deuh a hau tiah mi dawtnak a philh lo caah a si.

Bia Tlaangpi: Israel fimnak, thakza le pangpaar, i bawmhchanhnak

THE TIMES OF ISRAEL