Israel Nih Afriaca Mipem 207 Thong A Thlak Mihna An Thlah Tthan Hna

An ram cioah kir tthan dingin Israel cozah nih an rak fial hna i a duh lomi Africa mipem 207 hna cu Israel nih Saharonim thonginn ah an rak khumh hna. A sinain Israel biaceih zung sang bik nawl pek nakin Africa mipem 207 cu pathian ni ahkhan an chuah tthan hna tiah the times of Israel nih a langhter.

Africa mipem pawl hi Uganda cozah nih a ram chungah a lak hna lai zumh an si.  Israel ramchungah a ummi Africa mipem kongah Uganda le Israel cu ton biaruahnak an ngei. Cu ti bia an i ruah hnu ah a tubantuk in Israel nih mipem pawl cu thong chungin an chuah tthan hna. Cucaah Israel ramchungah a ummi Africa mipem pawl hi Uganda cozah nih a lak men hna lai tiah zumh a si.

Israel cozah nih Africa mipem minung 500 hrawng tel cu nan ramchungah umter ve ko hna uh ti zongin Uganda nih Israel cu an nawl hna. Tuan deuh ahkhan Africa mipem 58 hna cu Israel nih thonginn in an rak chuah hoi cang hna. Cu hna pawl zong cu Rawada ram nih lak an rak timh hna caah an thlah mihna a si. Asinain Rawada nih lak an tim taktak tthan hna lo tiah The Times Of Israel nih a langhter. Tutan ah Israel cozah nih an thlah mihna Africa mipem 207 zong hi Uganda cozah nih a la taktak hna hnga maw timi a fiang rih lo.

Ref: The Times Of Israel

 

Be the first to comment

Leave a Reply

Your email address will not be published.


*