Israel Ralkap Pakhat A Thi, Pali Nih Hliamfak An Tuar

Israel le Egypt ramri ah ramri cong Israel raltuknak tank eksiden a tong, raltuknak tank chungah Israel ralkap 4 an um. Israel raltuknak tank cu tiva a luannak khurah a tla, a chung ummi ralkap pawl cu fak taktak in hliam an tuar. Siizungah an tlik pi hmenh ko hna nain minung pakhat cu a hliamhma a fah tuk caah siizungah a nunnak a liam tiah The Times Of Israel nih a langhter.

Egypt , Sinai ah a ummi IS ralhrang pawl nih Israel kah an timh, cu caah Israel ralkap pawl hi ramri an veng. Cu ti ramri an ven lioah cun ruah lo piin eksiden an ton i an nunnak tiang a liam hi a si. Hliam a tuarmi Israel ralkap pahnih zong an hliamhma a fak tuk caah an nunnak ca tiangin ttih a nung tiah Israel ralkap leinih an chim.

Israel ralkap pawl hi zeiruangah ruah lo piin eksiden an ton timi a fiang lo caah dotthlatnak kan tuah lai tiah Israel ralkap leinih an chim.

Ref: The Times Of Israel

Be the first to comment

Leave a Reply

Your email address will not be published.


*