Israel : Syria Ralkap Airport A Rak Kaptu Kha Kan Mah Kan Si

Kan hnulei zarh i Syria ralkap airport T-4 a rak kaptu kha Israel kan si tiah Israel nawlngeitu nih nikhat ni ah an fehter tiah New York Times nih report an pek.  Kan hnuzarh ah  Syria ralkap airport T-4 cu raltuknak vanlawng pakhat nih Lebanon airspace leiin missile tamlak a kah, Syria le Russia nih US an rak puh nain US nih kan si lo an ti. Cu hnuah Israel a si tiah an rak langhter.

Israel nih holh lo tein an i umter. Asinain nihin nikhat ni ahcun T-4 aiport a kaptu kha Israel kan si ko tiah an fehter. T-4 airport hi Iran ralkap nih an hmanmi a si. Febuary thla ah T-4 airport in Iran ralkap nih an drone cu Israel ramchungah an rak thlah, Israel nih tla lakin an rak kah piak hna. Israel nih an kah thlak mi Iran drone cu an check tikah hriamnam an hmuh. Iran nih Israel kah a rak timh ziar timi Israel nih an theih.

Cucaah kan hnuzarh ah Iran ralkap umnak T-4 airport cu Israel raltuknak vanlawng nih hrawk pat in a rak kahnak kha a si tiah Israel nawlngeitu nih an chim. Iran nih Israel ramchungah an rak thlah mi Drone chungah khan a puak kho mi thilri ceilak a um, Drone kha rak kap tla manh hlah usihlaw Israel mipi fahnak a kan pek hrimhrim lai. A sinain kan kah thlak manh caah mipi tamlak kan khamh manh hna tiah Israel nawlngeitu pakhat nih a chim.

Iran nih a puak kho mi hriamnam in Israel kah a rak kan timh, cu lehrulhnak caah Iran ralkap umnak T-4 airport kan kahnak kha a si tiah an chimchap. Israel raltuknak vanlawng nih T-4 airport an kah lioah minung 14 an rak thi, cu chungah Iran ralkap 7 an i tel tiah The Times Of Israel nih a langhter chap.

Be the first to comment

Leave a Reply

Your email address will not be published.


*