‘Ka Tta Nih Pum Chung Kal A Herh’ Tiah A Angki Hnunglei Ah A Tial i Bawmh A Hal!

PONCHATOULA, La. — Brenda Cortez nih pum chung kal a herh, asinain amah caah a si lo, a tta ca tu ah a si. Cortez nih cun angki a tthit i, a hnunglei ah “Ka unaupa nih kal a herh” timi a ttial i, April 13 i Ponchatoula Strawberry Puai an tuahnak hmun mipi lakah bawmhhal in ai chok tiah WGNO cathanh nih a chim.

A tta min cu Ronnie Dupre a si i, Paducah, Kentucky, ah a um. A thi phun hi type O a si , (270) 331-8233 chawnhbiaknak he.  A kal rianttuannak tlam a tlin lo caah a duh ning in  thil a tuah kho lo. An umnak hrawnghrawng ah an herhmi minung a hmuh khawh lo tikah hi bangin mi bu pi umnak ah bawmh a hal hi a si.  Amah Cortez lila zong hi mi nih kal an rak pek chommi a si, mi kal in a nungdammi a si.

Note:     Pum ngandamnak tlamtling ngeih hi zeitluk indah a rak biapit i, zeitluk indah a sunglawi. Hi bantuk dirhmun ah hin dir ve usihlaw zeitindah kan va tuah cio hnga, Lai mi lak ahcun hi bantuk tiangmang in bawmh i halnak hi a um rih rua lo.

FOX 8,    Relchapnak Link: http://myfox8.com/2018/04/16/my-brother-needs-a-kidney-louisiana-woman-uses-t-shirt-to-search-for-donor/; POSTED 11:33 AM, APRIL 16, 2018, BY TRIBUNE MEDIA WIRE

Be the first to comment

Leave a Reply

Your email address will not be published.


*