Khamh Hnangamnak  ( Assurance of salvation)

Khamhnak hi na thluak in na tuak ah cun na tlau lai, a zumh in na zumh ah cun na hna a ngam lai. Biaknak lei hruitu na si ruang ah khamh nasi lailo.

Khamhnak a co rih lo mi nih ,khamh cia mi kasi ve rua tiah i zumh sual hi apoi tuk ban tuk in, Khamh nak a co cia mi nih, van ram ka sung than kho men ko ti i, thinphan, hnangamnak ngeihlo hi, Thlarau lei zawtnak phun khat asi ve.

Pastors na tuan ruang le evangelist na tuan ruang ah khamh na si lailo, cheuhra cheu khat napek ruang le na din fel ruang zong ah khamh nasi hlei lai lo. Mission na tuan ruang le khrifa upa kum saupi na tuan ruang zong ah khamh na si hlei fawn lai lo. Khamhnak hi na herh ve i na duh ve lawng ah khamh na si lai.

Khamhnak cu dinfel ruang le tuahsernak , fim thiamnak thawng in ( man ah)kan hmuh mi asi lo. A vel thawng in Khamh kan si.Laksawng ah free in Pathain nih a kan pek mi asi. Zumhnak nak lawng in co khawh asi.

Bawi Zisuh nih, miding ca ah kara lo, a tlau mi hna kawl le khamh awk ah kara tiah fingtuk in LK 19:10 a ti.

Adam mi nih sibawi an herh lo azaw mi lawng nih an herh tiah MK 2:17 ah a ti than.

Miding khamh a herh lo mi 99 nak cun mi sual pa khat aa ngeih chih hi van cung Pathain hmai le van mi hmai Lunglawmhnak a tam deuh te lai tiah Lk 10:15 ati than.

Khamhnak cu tuahsernak in asilo Pathain vel thawng in asi ca ah aho hmanh nan ni pawrhlaw kho lo tiah Eph 2:9 ah Bible nih ati than.

Pathian fa nan can cu minung phung ningin a si lo; vawlei cung i hrinsor ningin a si lo, Pathian hrimhrim kha nan Pa cu a si tuah Jon 1:13 ah akan ti.

Annih cu zungzal nunnak kha ka pek hna i an thi bal lai lo; cun ahohmanh nih annih cu an ka chut kho fawn lai lo. Tiah Zisuh nihJohn 10:28 ah akan ti than.

An lung tel a fiang deuh hnga ma tiah, bawi Zisuh nih ,fapa tlau bianabia in a kan cawnpiak than, Fapa tlaupa cu , a tlau hlan a pa sin a um lio ah khan a pa fa asi i,a tlau lio zong ah asi thiamthiam ko, arak kir hnu zong ah apa fa asi ko, a pa nih a dawt peng ko. An relationship le fellowship cu lawng aa thleng pa le fa an sinak aa thleng loh.

Khamh cia mi fa le hi Pathain nih a mah ta kan si cang ti hmel chunh nak ah Thlarau a kan pek. A tlau kho ding kan si ti lo. Tlau fial hmanh ah na chung i a um mi Thlarau thlau lo ding in an bomh lai.

Cu ti asi ah , bawi Zisuh nih ,kapa kapa ati mipoh in van cung pen nak ah nan lut lai lo ati tung, pa duhnak atuah mi lawng nan lut lai ati fawn tung. Zei tin dah asi hnga tiah nan khau ruah a her kho men.

Thanwgtha chim thiam ngai,Zisuh min in khuachia thawl khawh i ,mizaw zong va dam ter khawh ko tung i, can a dongh tik ah ;Zisuh nih a ho na si kan ngal lo ti mi leng i a fak deuh mi fahnak aum tilo ruat cio hmanh uh.

Nicodemus cu Bible thiam pa ,tiah kawl Bible ah cun aa tial, Mirang Bible ah lawyer tiah aa tial , Lai Bible ah phungbia cawnpiak tu pa tiah atial. Asi na in bawi Zisuh hen an ni ton taktak tik ah cun , Zisuh nih na hrin than a hau ati.

Hrinthan lo bak in biaknak lei hruitu hi tuan khawh arak si i, atuan mi zong an rak um i, atu zong an um rih ko lai ti cu a fiang.

Biathlang komhnak

Ahrin than lo mi hruaitu hna nih Kharihfa buu rian hi an mah duh ning in le an mah pumpak thangthat sunparnak ah ah an tuan na in ni hma nung bik ni ah cun Pathain nih kan theih mi hna nan silo kal ko uh ati te hna lai ruah ah a fak ko.

Ahrin than cang mi hna, khamnak a co cang mi hna tu nih cun, ni fa tin an nunnak ah Pathain a lawmh ter tu si ding in nun an ni zuam, Thlarau nih Pathain thangthat tu kha a cawn piak hna. Che10 Cheu 1 a pe bel lo mi zong pek sian nak lungthin thar an ngei, Hell tlak arak tih mi zong , van chung khua a kai lai aa theih ca ah a Hna a ngam, zeithil a ton poh ah Pathain zumhnak a ngeih bantuk in aa lawm. A nun hlun kha a huat i nunnak thar kha zulh aduh. A pum saduh nak thil tuah kha ningzak ah a ruah i, Zisuh hnu zulh kha a nuam in a theih. Zaa rih seh.

Ca reltu vialte Pathain nih thlawchuah in pe ko hna seh. Amen.

Credit : Esther Pa