Khamhtu Pathian , Rili Cungah Ni 49 Chung A Tlau, Bible A Relnak In Pathian Nih A Khamh

Rili cungah nga tlaih in a paw ai cawmmi Indonesia pa Aldi Adilang, kum 19 , pa cu a ngatlaihnak tilawng ka hreng la a tilio ah ti nih a fawnh. Hohmenh chanhtu zong a ngei lo. Ti nih Pacific rili leiah a ngatlaihnak tilawng he a fonh thluah mah, A ngatlaihnak tilawng hi engine a neimi zong a silo caah a dirter ko lo i Pacific rili in Guam a va phan deng tiah GOD TV nih an langhter.

Ei awk rawl ai kenmi zong a dih i dinti ai kenmi zong a dih viar cang. A ngatlaih mi te cu rili cung i ai vuanmi a tilawng cungah cun a rawh i a ei. Nun sivaang taktak in rili cungah caan a hmang. Ei awk rawl le din awk ti a ngeih tilo tikah a mah le mah thah dingin a lungah a chuak.

Chanhchuah tu zong nih ka umnak an thei bal ti lailo, ka thih lawlaw ah a ttha deuh timi ruahnak a ngei i rili chungah zuan lawlaw ai tim. A umnak pawng hrawngah tilawng 10 hrawng cu an kal lengmang ko nain a tlaumi a si an theih lo caah an chanh lo.

Nun beidongh in a um hnu rili chungah zuang ninglaw thi lawlaw cang ning timi a ruah lio teah a nulepa nih harnak na ton tikah hi Bible hi va relte tiah an ken termi Bible cauk a hmuh. Bible cauk cu biatak tein a rel i Pathian sinah lungthin tak tein thla a cam tiah God Tv nih an ttial.

Cu hnu tlawmpal ah Japan tilawng a pawngah a rak phan. Japan tilawng nih a rannak in an hei zuan /kalhnawh i an chanh khawh. Japan ramah an tlunpi i siizungah ttha tein an tlop. Dam tein siizung in a chuak kho tiah Rhoda Cabrera nih a ttial. An chanh lio Video

Zeitluk ttih a nunnak hmunhma le a thi dingmi kan si ko lio zongah Pathian sinah lungthin tak tein thla kan cam le kan auh ahcun Pathian nih a kan khamh khawh ko tiah Rhoda Cabrera nih a ttial chap. Hi Indonesia pa rili cungah a tlau hi ni 49 chung bak a si tiah a chimchap.

REf: GOD tv