Kut-Ke-Bul Evan. Nick Vujicic Nih ‘Khuachia’ A Hmuh Tikah Zei Thil Dah A Cang?

Chinmi ramthumnak kan kal a tthatnak cu chim cawk lo a si ti ko usih. Cu tluk in a tthatnak a tam lioah a tthat lonak zong cu a rak um  tthiam ko  __’Science” thukpi in cawn a si tikah Pathian um zumh lo  a  karh/fawi,  a tam.  Chin ngakchia pawl kha nulepa nih tthate in an zumhnak hram nan fekter lo cun sianginn ttha ah an kai i, an cawnmi nih Bible an zumhnak a tei te lai.

Minthang a si bangin a konglam cu theih dihmi a si ko__Australia um mipeem a si, kutke ngei lo in a chuak, hnabeidongh lungretheih vansannak nih a zelh tikah a nunnak laak hmanh poi ah a rak chia lo. John dal 9 chung i mitcaw pa kong a relnak nih a lung a rak laak ngaingai. A hnuah ai thleng i, ramkip ttol in Thawngttha a chim.

Evan. N. Vujicic nih, “Pathian cu khikhi a si tiin kan hmuhter kho hna lo. Vanmi cu khikhi a si tiin kan piah kho hna lo. Asinain, ‘atheist’ (Pathian um zuum lotu) ka si lonak aruang pakhat le ‘science’ nih zeizong vialte a fianh kho lo ti ka zumhnak aruang cu, khuaruahhar thiltikhawhnak ka hmuh lawng si loin khuachia ka hmuh caah a si,” a ti.

“Khuachia ka hmuhmi hna cu fit 10 in a saangmi an si i, ka riahnak San Francisco hotel thlalangawng in an chuak. An chuah hlanah cun an um ko ti kha ka lung nih khin a theih, ka chungah an lut bantuk khi a si. Hi vialte, thlarau thil, hi science nih a hrilhfiah khawh lo caah Pathian um ka zumhnak a si. Ka nunnak le ruahnak khuaruahhar in ai thlen caah Pathian a um ti hi fiangte in ka hngalh a ti.

Note: Na lungthin dihlakin Pathian na rak zumh i, Khamhtu Fapa Jesuh Khrih zong na rak zumh cang i, Pa Pathian nih cohlan cangmi na si ahcun zeitik hmanh ah na zumhnak cu ai thleng lai lo. Asinain, na zumhnak ah lungawttawm le lunghrinh in na um i, ‘science’ fimthiamnak ah na luh ahcun na tlau tengteng lai. Ngakchia le bang cu an tlau tengteng lai, an cawnmi an zumh lai, Bible an zumhnak hram a fek lo cun an cawnmi ‘science’ lawng an zumh lai. “science’ an zumh cang hnu cun a foi ti lo.

Charisma News, Christian Perspective