Laam A Thiam Tuk Ruangah ‘Chin Shakira’ An Timi Esther He Biaruahnak

Tukum Malaysia Chin Miphun Ni pahrang hmuhsaknak (talent show) i a laam lio ah mipi thawchuah loin a umtertu, laam a thiam tuk ruangah ‘Chin Shakira’ an ti phahmi, hlasak thiam le laam thiam Mai Esther Cing Nei Kim le Ramleng Chin phu cu 25 Feb. 2017 ah khan biaruahnak kan ngei hna. A caan sunglawi a kan petu Esther cungah lawmhnak tampi kan ngei.

Image may contain: 1 person, standing and text

RC: A hmasa bik ah na min le na khua theih kan duh ko?
Esther : Ka min cu Mai Esther Cung Nei Kim, Falam a si.

RC: Na chungkhar kong a tawinak in?
Esther : Pu Ral Luai le Pi Thang Za Cuai fanu ka si. Unau (6) kan si i kei hi ngakchia bik ka si. Ka ule pahnih he Malaysia ah kan um, a dang cu Falam ah an um hna.

RC : Zeitik kum ah dah Malaysia na phak?
Esther : Kum 2010 ah khan ka phan.

RC: Na umnak teh?
Esther : Kuala Lumpur ah si ko.

RC : Atu ah hin zei rian dah na tuan?
Esther : International Make-up cawn pah in Restaurant ah part-time in ka tuan.

RC : Kawlram ah zei tiang dah sianginn na rak kai? Khoika ah?
Esther : BEHS No. (2), Falam in tanghra ka awng.

Image may contain: 1 person, text

RC : Tukum Chin Miphun Ni (CND) Malaysia ah khan na laam lio kan rak in hmuh i na thiam tuk hringhran. Kha bantuk laam kha zeitik kum in dah na rak thiam?
Esther : Ka lawm tuk. Ka ngakchiat liote in ka rak laam lengmang cang.

RC : Laam hi na cawnmi maw a si, asiloah nangmah tein na thiammi dah a si?
Esther : Pathian nih pahrang (talent) a ka pek vemi a si. Ka cawnmi a si lo.

RC : Laam na thiam tuk i hlasak zong na thiam theo lai ti ka zumh?
Esther : Kum 2016, Malaysia Chin Christian Youth Fellowship (MCCYF) solo zuamnak khan 3rd ka rak ngah ve.

Image may contain: 1 person, standing

RC : Ka ruah ciami a si eh! Album chuah hna nai tim maw?
Esther : Kumvui 2018 ah khin Pop single album chuah kai tim.

RC : A tha tuk. Hlaphuahtu teh hote hna dah an si?
Esther : An tampi. Salai Elijah, Salai Tha Kung Lian le mi dangdang. Keimah phuahmi zong ai tel.

RC : Nai CND ah Shakira hla na laammi kha amah nakin na thiam deuh tiah ka ruah. Khakha na cawn chung a sau maw?
Esther : Hihihi…. kai lawm tuk. CND hlan ni 4 chung bak kha ka zaw i ka cawng kho lo.

RC : Vawleicung laam thiammi hna lakah aho laam dah na uar bik?
Esther : Ka uar dih ko hna. Asinain, Shakira laam hi ka uar bikmi a si.

RC : Chinmi chungin laam thiam le hlasak thiam na uarmi hna?
Esther : Chinmi cu laam thiammi kan um lo ti tluk a si i chim awk ka hngal lo. Hlasak thiam ah hin cun Far Men Par hi ka uar bik.

RC : Na unau dang teh, nangmah bantukin laam an thiam ve hna maw?
Esther : Ka unu (Dinna) hi laam a thiam ve ngai i kan laam ti tawn.

RC : Nikhat ah zeitlukin dah na laam/cawn tawn?
Esther : Hihihi…. Malaysia cu duhning in caan hman khawh a si lo i ka cawng bal lo.

RC : Chinmi dirhmun in laam hi pawcawmnak tlak ah na ruat maw?
Esther : Pawcawmnak tlak ah cun ka ruat lo. A ruang cu kan ruahnak a bit tuk ruangah.

RC : Nang nih teh, laam hi zeitluk dirhmun tiang phan dingin dah nai timh?
Esther : International popular si dingin timhlamhnak ka ngei. Asinain ka dirhmun nih a tlinh kho rih lo. Zeizong te ah hin Pathian nawl a si ko.

RC : Ni sunglawi ni khua ah mipi hmai ah voi zeizat dah na laam cang?
Esther : A voi tam tuk cang, kai cing ti lo.

RC: Laksang hna an in pe tawn maw?
Esther : Laksawng an ka pek tawn ko.

Image may contain: 1 person, standing and text

RC : Nai Malaysia CND ah khan laksawng zeizat dah an in pek?
Esther : RM 100.00 an ka pek.

RC : Chinmi nungak tlangval hna hi kum zeizat kan si ah khin dah nupi/pasal ngeih ka za tiah na ruah?
Esther : Hihihi…. ka thei ve lo.

RC : Pasal caah zeibantuk tlangval dah na duh hna?
Esther : Pathian a tihzahmi le biaknak lei ah ai pemi ka duh hna.

RC : Atu hi ramthumnak ah nan lan deng cang maw?
Esther : Ramthumnak hi kan kal khawh ka zum lo.

RC : Chin Mino hna sinah biacah na duhmi?
Esther : Zungzal nunnak a ngeitu Bawipa lawnglawng hi i bochan in, pakhatnak ah chia peng ko hna usih.

RC : Biadang ah, atu hi Lairam ah hei um law zei party ah dah na um hnga? A ruang?
Esther : Cu party theng tiah thimmi ka ngei lo.

RC : Eee… ka philh deng cuh. Tlangval pawl nih a lawng hnga maw rak kan halpiakte an ka ti?
Esther : Hihihihi….. inbox ah a ka halmi paoh chimh an si lai.

RC : Atu bantuk in na caan sunglawi na kan pek caah kan i lawm tuk. Pathian nih na saduhthah tlinter hram seh.
Esther : Amen. Kei zong kai lawm tuk ve.

Image may contain: one or more people and people on stage

Image may contain: 1 person, standing