Lennak Tlang Ai Dan Ruangah Zumh Loin Ka Um Hrim Hlah Mu

Dawtmi,

Kan lennak khua ai dan ruang le tlangza dan kan um ruangah hin na thinphang tawn ti?

Nang na dam i kei zong ka dam. Panh sirsiar muihmai i tong kho loin, puan bang in pom kho rih hlah hmanh ning law online in kan dawtnak bia ka rak phuan lengmang ko hi mu.

Zumhtlak tein na um chung paoh cu ka cungah thinphan awk a um hrimhrim lo e. Mi nih zeitindah mi nih an kan ceihphai ti le kan rak i ton hlan ah khan darling zeizat dah na rak ngeih ti kong ka ruat bal lo i ka hngalh duhmi zong a si bal fawn lo e.

Na ka ruah tuk ruangah na ruah awk a si lomi kong tiang hna na ruat tawn. “Ka dawt, ton lonak caan a sau tuk ruangah hin sian lo tuk buin annka thlum velhle thiam leng dang sinah na ka liamtak sual lai ti ka phang” ti kha a herh hme maw?

Ka dawt, na ka zumh khawhnak dingah kan cung arfi le thlapa hna khi na caah zumhtlak ka sinak a ka hngalhpitu si hna seh mu. Hnangamte le mitkuhcim tein rak it cang mu.

Citicun kannih pahnih nih dawtnak ruangah lungleng ngai le nun khuahar ngai in zun kan tuar tawnmi hi zingnu nih zeihmanh lo ah a canter ka zum hrim lo e.

Zumhtlak tein kan um ko ahcun ton lo kar ah lunglen caan nakin a sau deuh tukmi ruunkhat ah kan lengti hrim ko lai. Cu tikah cun ka tangah pom in khandang (ihkhun) cungah mithmai panhte le aho van hai loin, dawtnak ruangah a rak chuak dingmi semmawng cawi in nunchung ni le caan kan relti lai te mu………

Hmanthlak : Angelhnin ST