Malay Ummi Caah, Malay Cozah Nih Mi Ttha Lo Bu Pawl Dohnak Caah ‘Hotline’ A Ser

PETALING JAYA, Malaysia___Malaysia palik nih a rampi huap in mi ttha lo bu (gangster) pawl dohnak caah ‘hotline’ a ser. Hi mi ttha lo bu nih hin inn saknak hmun, lam cawhnak le rian ttuannak hmun dangdang ah rianttuantu pawl phaisa an hal tawn hna i, dawnhkhanh lo in an um, an lor. Mah an lor cu cozah nih a theih tikah an cawlcangh a hmutu le an kut a tuartu nih fawi le dengtteo in palik chawnh khawhnak phone number a ser.

Bukit Aman Criminal Investigation Department (CID) director Comm Datuk Seri Wan Ahmad Najmuddin Mohd nih “hi mi ttha lo bu pawl hi an lor caah palik pawl nih biatakte in an kawl, an doh, hna lai. An cawlcanghnak a theitu/hmutu paoh nih hmakhatte ah a tanglei phone number hmang in chawnh le cakuat khawh kan si, WhatsApp in a si lai,” a ti

Hi mi ttha lo bu nih an tuah tawnmi, mi cheukhat nih an ton tawnmi, cu phaisa cu zat kha zat na ka peek ahcun kan in thlah lai, harnak fahnak kan in pe lai lo (protection money) tiah tlerhkhonh in phaisa hal an hmang.

2018 chung i Malaysia um Lai pa naamte vih/sawhnak in a thih zong kha hi bantuk mi ttha lo bu pawl cawlcangh tuahsernak a si lai tiah ka ruah. Hi bantuk mi ttha lo pawl cu mi tamnak hmun zong ah an cawlcang tawn.

Cucaah, mah umnak hmun le sang zulh in phone number an chiahmi hi, i ralrinnak caah, phone ah i chiah a ttha.

 

The Star Online