Malaysia Ummi Ralrinnak Caah, ‘Rawl Einak Hmun Ah Kuak Zu Hlah’ Cataar In Malaysian Kum An Thar, Na Zulh Lo Cun RM500 Liam Colh!

Malaysia___Rawldawr ti bantuk rawl einak hmun ah kuak zu lo dingin nawl thar a um. Na zuuk an in hmuh a si ahcun aw-kaa neem in zuuk a ngah lonak kong kha an in chimh lai. Cu an in chimhmi na ngaih lo a si ahcun RM500 liamter na si lai.

RM500 cu zarh khat chungah na peek lo i, zeirello in na zuuk tthan tthiamtthiam maw a si ahcun RM10,000 liamter khawh na si i, kum hnih chung thong thlaak khawh na si.

Hmun pical deuh rawl einak hmunhma lebang ahcun biatakte in an zulh lai. Ngandamnak a tthat khawhnak caah le thli thiang a um khawhnak caah tuahmi a si. Rawl einak pawng i zuukmi kuakkhu nih eimi rawl a thurhnawnhter caah an khapmi a si.

Inn chung i kuakkhu a luut khawhnak Inn leeng hmanh ah a ngah lo, ai dannak a um lo, kuakkhu a kal i, rawl an thurhhnawmhter khawh tthiam.

Rawl dawr lawng si loin mi tamnak hmun cheukhat ah “Kuak zu hlah” cataar zoh thiam ngaingai a hau cang lai tinak a si. Ramdangmi lebang cu RM500 nak tam zong an kan liamter khawh.

The Straitstime