Minthang Mitcaw Baba Vanga Nih Kum 2019 Chung I Thil Cangding A Rak Phuan Mi

Bulgaria rammi mitcaw Vanga hi hmailei thil kong a phuanmi a dih ngaingai tawn. 9/11 lio US world Trade Centre kong a phuanmi zong a cang taktak, Brexit kong a phuanmi zong a cang taktak, cu pinah IS ralhrang an thawhnak ding kong a phuan mi zong a cang taktak.

A thih hlanah kum 2019 chung i thil a cang dingmi a rak phuan chung mi hi President Trump le Russia president Putin caah cun ttihnung ngaingai a si.

Mitcaw Vanga nih Putin kong he pehtlaiin a phuanmi cu kum 2019 chungah Russia President Putin cu a veng tu lila nih thah an timh lai tiah a phuan. Putin hi kum 2012 lioah voikhat cu thah an rak timh cang nain a rak luat. Kum 2019 chungah voikhat cu thah timh rih khawh a si taktak mi a si. Cucaah Putin nih ttha taktak in a tu hi veng himtu ai chiah hna. Vanga phuan mi a hman ko ahcun a venghim tu lila nih thah an timh te lai.

President Trump kong zong tihin a phuan, kum 2019 chungah Trump cu zawtnak fak taktak nih a tlunh lai i a hna a awn lai, a luak chuak lai, a thluak rawk lai i a hna zong chet lai tiah a phuan. Cun kum 2019 chungah Trump chungkhar chungin minung pakhat khat cu motor eksiden a tong lai tiah a chimchap.

Europe ram kong zong tihin a phuan, kum 2019 chungah Europe cu sipuazi leiin a tla taktak lai tiah a phuan. Hi kong zong hi hman te dawh a si. Europe hi kum 2019, March 29 cun Britain nih chuah taak te dawh a si. A chuah taak ahcun an sipuazi a tla taktak te lai.

Asia ram kong pehtlaiin hi tihin a phuan hoi, kum 2019 chungah Asia ramah a fak taktak mi tsunami a tlung lai, cu tsunami nih Asia ramcheu khat  Pakistan, India, China, Japan le Indonesia hi a hrawk cikcek khawh hna tiah a phuan tthan.

Bulgaria mitcaw nu  Baba Vanga hi kum 85 a silio 1996 ah a rak thi cang. A thih hlanah mah vialte hi a rak hmuh chungmi hna an si. A hman taktak ko ahcun thinphan ngaingai an si.

Ref: Daily Mail