Mourinho: “Newcastle Kha Bawlung Pathian Nih A Bawmh Hna”

Zarhpini zanah khan Manchester United cu Newcastle United celhtual St. James’ Park ah ah an va lut i, 1-0 in an sung. Minute 65nk ah Matt Ritchie nih kawl umchun hi a khumh i Manchester United nih hin kawl khumhnak caanṭha an ngei len ko nain kawl ah an canter kho lo.

United nih hin voi 13 an sut i, voi 6 kawl zawnah an khen. An sungh ruangah hin Premier League table ah 2nk a simi United hi hmahruaitu Manchester City nih point 16 an lonh cang hna.

Image result for Matt Ritchie with Manchester United goal

Puai dih hnuah Manchester United boss Mourinho nih, “Bawlung pathian kha anmahlei ah a ṭang ti a fiang. Kan caah teinak hmuh ni a si lo e.

“Ka ruahning ahcun suimilam 10 renglo zong chuih hmanhning law kawl kan khumh ka zum hlei lo. Kan palh sualmi ah kawl an hun khumh, tei duhnak lungthin an ngei i, an thil ti khawhnak vialte an chuah viar.

Image result for Matt Ritchie with Manchester United goal

“Point hmu dingin an i zuam i, kawl chuah lo tim in an nunnak tiang hmanh an pek ngam ti awkin a lang. Hihi bawlung a sunlawinak cu a si” a ti.

Kawl umchun hi minute 65nk ah a lutmi a si i, Jonjo Shelvey nih free kick a tuahmi cu Florian Lejeune nih a suk hnuah Ritchie nih kawl ah a khumh. Premier League puaiah Jose Mourinho hi pehtlai tein puai 7 bak St. James’ Park ah a sung cang.

Image result for Matt Ritchie with Manchester United goal

Manchester United nih hin an kawl phurhmi cham dingin biatak an chuah i Anthony Martial, Alexis Sanchez le Jesse Lingard te nih caanṭha taktak an tlolh cio hna. Cu pinah Newcastle kawlbawh thar Martin Dubravka nih a rak kham lengmang fawn.

“0-0 kan si lioah khan caanṭha tampi kan ngei. Alexis nih khan kawl khumhnak caanṭha taktak a ngei i, Martial zong nih caanṭha voi 2 a tlolh fawn” tiin caanṭha an ngeihnak kong a chim pinah hnukham pawl nih foul an cawi tawnnak kong a chim fawn.

Image result for newcastle vs United

“Hnukham pawl nih free kick an cawi theo tawn, cucu a cang lengmang tawnmi a si ko. Box chungah ai tluktermi hna nih card an cawi ding a si nain Smalling cung tu ah cun ai phundang. Bawlung ai hlirhmi kan ting kho lo i, cu tu cu cohlan thiam a har ngai” tiah Jose nih a chim fawn.

Be the first to comment

Leave a Reply

Your email address will not be published.


*