Na Darling Lungfak Ngai In Na Phiat Ruangah

Lungfak tukin na darling na rak phiat tikah nangmah cu nai lungsi ngai ko lai. Na phiat mi na darling bel a lungfahnak nih chun zan in a den ve. Asinain thazaang thar a van lak tthan tikah a tanglei bantuk hna hi a ton tthan dingmi a si..

  1. Lungfak ngai in na phiat ruang i a biangah mitthli a luang tawnmi kha hul caan a ngei te lai.
  2. Lungfak ngai in na phiat ruang i vanchia bik ah ai ruat tawnmi nih khan vanthat caan a ngei than te lai.
  3. Lungfak ngai in na phiat ruang i dawtu ngei ti lo dingin ai ruatmi nih khan dawtu tha a ton than te lai.
  4. A thatnak vialte na lakpiak dihmi nih khan a hmasa nak tha deuh le dawh deuh in a hun par than te lai.
    5. Lungfak ngai in na phiat ruang i a tap tawnmi nih khan nih caan a ngei te lai.
  5. Lungfak ngai in na phiat ruang i zan hngilh kho loin a um tawnmi nih khan mitkuh cimte ih caan a ngei than te lai.
  6. Lungfak ngai in na phiat ruang i rawl a ei kho lomi nih khan khimte in ei khawh caan a ngei than te lai.
  7. Lungfak ngai in na phiat hnu ah, facebook ah amah nihsawhnak ca na tialmi lungfak ngai in a rak hmutu nih khan lawm tein ca a tialmi na hmuh ve te lai.
  8. A lungfah tuk bu zongah ai nihter chih lenmi nih khan atu ah cun thinlung taktak in a ni kho cang lai, a ruang cu:

Nangmah ruangah nunlio thlanmui chungah khua a sa tawnmi kha atu ah cun nangmah nakin a tling deuhmi, duhtu le dawtu tong dingin ai timtuah cang i nuam tein a caan a hman cuahmah cang.

Nang philh in hmailei a panh cuahmah lio i, cu ai lawmhnak cu hei lawmhpi ve tuah. A lung na rak fahter tuk ruangah lawmhpi a phu. Zei ah na rak rel lomi kha atu ah cun ai nuam tuk ve cang e.

Cattialtu : Victor Mang Hlei Hrin