Na Nupi/Pasal Ding Cu Nangmah Nakin Pathian A Duhmi Si Deuh Seh

1.Na nupi/pasal cu Pathian a duhmi le a bia ngaimi a si ahcun, a hlan ah na tuah bal lomi le na zulh bal lomi pawl cu na tuah ve lai i na zulh ve cang lai.

2. Na nupi/ pasal cu Pathian a duhmi a si ruangah le mifel ngai le vanram nun thianghlim ngeitu a si ruangah, a hlan ah na nuncan ṭhalo pawl cu tliktal in a nuncan nai cawn hrimhrim a hau cang lai.

3. Nupa cu pakhat le pakhat thla icampiak ding a si bantukin, pakhat le pakhat iṭihzah ding zong a si i, ṭhinh a haumi zong iṭhimh veve awk a si fawn.

4. Pathian țihnak a ngei lomi nupi/pasal a ṭhimi pawl cu zangfak an si ngai, an caah vawlei cu hremhmun bantuk a si ko. Harnak lawngte nih an chungkhar a hruai lai.

5. Nupi/pasal a ngei rih lomi na si ahcun Pathian a ṭihzahmi ṭhit khawh izuam ko, hmailei na caah a si. Nangmah nakin Pathian a duhmi le a ṭihzahtu a si ahcun nang lebang cu a let tampi an duh chinchin lai.

6. Na nupi/pasal ding ahcun nangmah nakin Pathian a duhmi le Pathian bia rawlṭam in a ṭammi si sehlaw zeitlukin dah a hei nuamh lai. Pathian nih nan chungkhar ca cu an tuaktanpiak ve ko lai.

7. Cubantuk na ṭhit hna ahcun na cungah Thlarau Thianghlim a zalong lai i, Pathian nih a umpimi chungkhar nan si fawn lai.

8. Pathian a țihmi nupi/pasal ngeih cu Paradise (varam) a tep cangmi bantukin na hna a ngam lai.

Phungthlukbia 12:4 “Nupi ṭha cu a va caah bawi luchin a si, sihmanhsehlaw ningzahnak a tluntertu nupi cu ruh chung i khensar zawtnak bantuk a si.”