Netanyahu : Mi Zei Paoh Hi Pathian Nih A Mah Mui Loin Ser Mi Kan Si

Israel Government Press Office nih kum chiar te an tuah tawnmi New Year’s Toast ah Israel Prime Minister Benjamin Netanyahu cu biachim an fial. Cu lioah mizei paoh hi Pathian nih a mah mui loin sermi kan si tiah a chim tiah CBN news nih a langhter.

Tukum i Israel Government Press Office nih an tuah mi New Year’s Toast ah an i tinh bik mi cu Pum Tlamtling lo upat peknak a si. Pum tlamgtling lo group Shalva Band zong cu hmun ah hla an sa. Netanyahu nih a zoh hna tikah ai lunghmuih tuk, cucaah a hohmenh kan i dang hlei lo, mizei paoh hi Pathian muisam keng in sermi kan si tiah a chimnak si.

Shalva Band cu hlasa zong music tumtu zong an dihlak in pum tlamtling lo lawngte an si. Shlava timi nih a dirh mi asi. Tutan an tuahnak ah mitcaw nu pahnih nih “Hallelujah” timi hla an sak. An  aw tthat ning le an thiam ning a mak. Israel Prime Minister ai lunghmuih kho tuk.

A chimmi cu ” Sermi minung paohpaoh nih kan herh bikmi cu kan thlarau nunnak timi hi a si. Minung hi thil theih khawhnak kan ngei cio, ngeihchiatnak, lunglomhnak, lungfahnak le lungdonghnak pawl theihkhawhnak kan ngei cio. Asinain cucu minung kan si ahcun kan ngeih ding hrim an si ko. Cu nakin a biapi bik mi cu kan thlarau nunnak hi a si tiah Netayahu nih a chim.

Netanyahu nih pum tlamtling lo pawl sinah a lunglomhnak forhfial nak zong tampi a pek hna. A tanglei video hi Shalva Band nih hla an saknak a si..

ref: CBN news