Oneness & Trinity Kong Ai El Dingmi Pahnih Lawng An Si Rua Tiah An Tam Taktak!

Lai mi nih Pathian Bia kan pemh lomi a um sual ah tiin a ngamdammi i elnak um ding in linsa phut in meivan ah a hung laar ngaingai.

Mi cheukhat cu uite ekchuak khi maw kan lawh, pate thintawi i sum kho lo khi dek kan puak ciammam i, mipi thil kan thurhnawmh viar. Thlarau rawl ei a zat hlanah lamhpherh viar kan i tim. Mi cheukhat nih kan theihhngalh zat phuannak ah kan hman ve ciammam hoi i, pahnih ca i ‘special’ in chiahmi rawl ei  kan i cuh, kanmah ta a si lo nain.

Oneness le Trinity an i el lai i, an i elnak ahcun anmah lei kap ttanh in an i el a hau. Nain, a donghnak rialtinh taktak cu zeitindah an pahnih karlak ah a um khomi Biatak kha kan hngalh khawh lai ti khi a si. An i el hlan in hehchet leikap ttanh lung in mipi kan rak phul  ve hrim awk a si lo. I thlaak tawk hi kan thiam lo tuk, thlaakduak bak kan si ko.

Mi tam huap in timhlamhmi thil hi a zahzia le a tlaihzia thiam a hau. Thawhtthannak he pehtlai in Thawngttha Bia chim dingin pastor pek lioah hehchet biaherh chim ah mi dang nih Pathian Bia phuan a si ve aipat tiin thlan chuak in chim sau phung a si lo; theihhngalhmi zat chim i CUH phunphai khi a lo deuh.

Mi cheukhat kan comment le bang cu LEIKAP (mah khua, mah phun, mah hawi, mah bu) ttanh lung in ai el dingmi pumpaak sinak le tuanbia tiang hehchet nan hei langhter; hawi Biatak kawl lioah LEIKAP ttanh lung tiang lawng in mipi mit tha a baattertu nan si. Bible Biatak kan i fiang deuh hnga maw, zumhnak pahnih a um ttung i, zeidah kan pemh lomi a si hnga tiin kawlnak pei a si cu.

 

Be the first to comment

Leave a Reply

Your email address will not be published.


*