Pep Guardiola A Thinphang Hringhran Cang!

Pep Guardiola nih Manchester City player pawl cu biatak tein iralring dingin a chimh hna. A ruang cu Premier League puai chuih ding a tang rihmi ah hin an cawlsual ahcun Manchester United nih EPL hraidawh an kan lak khanh sual lai tiah a thinphang hringhran.

Manchester City hi kan hnu zarh ah khan an celhtualpi ah an innpa Manchester United sinah PL tile lak khawhnak caanṭha ngai an rak ngei. Asinain, an celhtualpi ah Manchester United nih 3-2 in an tei diam hna.

Image result for manchester city vs Manchester united 2-3

Kha result ruangah khan Pep le a naule nih hin Premier League title cawi dingin caan an hngah deuh rih a hau lai. Pep naule hi puai 6 chuih awk an ngei rih i, champion dingin hi puai 6 chungah hin puai 2 ah teinak an hmuh a hau lai.

Tuzan ah Manchester City hi Champions League chuih ai timmi Tottenham he Wembley Stadium ah an chuih lai. City caah a fawizaang lai lo.

Image result for 2003-2004 season Real Madrid

Barcelona coach hlun nih hin 2003-2004 season ah Real Madrid an rak cawlsualnak kong a chim. Kha season ah khan Madrid nih puai 12 chuih awk a tang rihmi ah point 8 in hma an hruai nain an rak cawlsual diam. Season a dih tikah cun Real hi 4nk ah an um diam!

Bayern Munich boss hlun nih atu an dirhmun a thinphannak kong chim in, “Atu ka lungthin ah a ummi cu hihi a si – Manchester United nih hin point tampi an hlawh lai ti ka zumh. Naite ah puai ṭhaṭha taktak an ngei i, player ṭhaṭha an ngei fawn. Chuih awk a tang rihmi puai 6 ah hin teinak hmuh viar an i zuam lai i, kannih zong nih cucu kan itimh ve a hau lai.

Image result for Manchester united

“Football hi cu khuaruahhar ngai a si. November maw si December ah khan dek kan rak champion diam cang! Pundits ka zoh ah khan kan rian kan lim cang ti a fiang. Nai kan chuihmi kha hun zoh ṭhan ulaw voi 3 (Liverpool sinah voi 2) bak kan sung. Hi hnu zongah a sung ṭhan kho kan si, kan iralrin a hau lai.

“A tang rihmi puaiah hin teinak kan hmuh a hau lai i, voi 2 teinak hmuh khawh kan izuam hmansa lai. Season thluk in ‘pressure’ sangpi ṭhate in kan pah khawh i, cu bantukin kan tuah lengmang lai. United nih trophy an kan lak khanh sual ahcun kan tuah khawhmi umchun cu ‘lawmhpi’ lawnglawng a si ko lai.

Image result for manchester city

“Cucu a cang khomi a si ko. Hlanlio (2003-20014) zongah Real Madrid cu pehtlai tein puai 6 chung an sung i, league ah pakhatnak in palinak ah an rak tla diam ko khah” tiah Guardiola nih hlan lioah Real Madrid bantuk an si sual ding a thinphannak kong a chim.