President Trump Nih India PM Narenda Modi A Nihsawh, India Mipi An Thinhang

Hawikom ttha ngai asimi US le India cu an lung ai hmu thiam huaha ti rua lo. India Prime Minister Narenda Modi nih Afghanistan ah thil a tuah mi cu US president Donald Trump nih zeite ah a rel piak lo, a nihsawh men.

India Prime Minister Narenda Modi nih Afghanistan pawl bawmhnak ah Library ( cauk chiahnak inn) a serpiak hna. Cu kong cu Trump hna chungah India hruaitu cheukhat nih i uangthlar ngaiin an chim lengmang. A sinain Modi thil tuah mi cu Trump nih ek hmenh ah a relpiak lo.

Nithum ni ah President Trump nih nihsawh takin a chimmi cu ” India PM Modi nih Afghanistan ah Library a sakpiak mihna hi zeihmenh a silo, US nih Afghan ramah ni 5 chung caan kan hmanmi he ai tluk tiah Trump nih a chim.

“India PM Modi nih Library a sakpiak mihna cu kan i lawmtuk tiah chim ding khi a si, a sinain a hodah Library cu a va hmang lai, a herhnak a um lo tiah Trump nih a chimchap.

Trump nih zeirel lo tukin Modi thil tuahmi a nihsawh piak caah India mipi le hruaitu pawl an thinhang. Trump biachim hi India nih kan cohlang kho lo. Trump biachim mi hi a rannak in Modi nih a leh ve awk si tiah India congress hruaitu Ahmed Patel  nih a chim.

Afghanistan hi Library lawng kan bawmh mihna an silo, sianginn, lam le Paliament innsak nak zong kan tamlak kan bawmh hna. Afghan bawmhnak ah hmanmi hi $3 billion tluk asi cang lai, cucu Trump nih van thei tiah  BJP general secretary Ram Madhav nih a twitter ah thinhung bu bakin a ttial ve.

Afghanistan hi a innpa Russia, Pakistan le India nih ralkap leiin bawm hna seh tiah Trump nih a duh. Asinain an bawmh lo tikah fak ngaiin India thiltuah mi a soiselnak hi a si.

Ref: Press tv, VOA