Thlapa Cung A Um Mi NASA Nih Christmas Lai Ni Ah Vawleicung Ummi Caah Bible An Rel Piak Mi Hna

Kum 1968, July thla ah thlapa cungah NASA nih  minung 3 an rak thlah hna. An thlah mihna mithiamsang hna cu Frank Borman, Jim Lovell, le Bill Anders hna an si. Cu an thlah nak hna cu Apollo 8 mission tiah an kawh.

Kan umnak vawleipi in vawlei dang ahcun an zuang thluahmah, kan vawleipi cu an hlat thluahmah i vawleidang an neih thluahmah. Thlapa cung an va phak hi cu December, 1968 ah a va si cang. Thlapa cu voi 10 kheng te an va hel.

Thlapa voi 10 khengte an hel ahhin Christmas thla, December 21 a si. An umnak thlapa cungin vawlei ah rak kir a za cang. Thlapa in tlawmpal an van zuan hnu ah kan vawleipi cu an hmuh i dawh taktak in hman an thlak khawh. Vawlei le thlapa an zoh tikah Pathian kutneh le sunparnak lawngte an hmuh. Pathian nih sunparnak co ko seh an ti.

December 24, thlapa cung an um lioah vawleicung ummi minung hna cu  Christmas thawngttha caah Bible an van rel piak hna. Vawlei dang in Bible ca an rel mi cu vawleicung minung billion pakhat leeng nih an zoh i an ngeih. Cu bible cacaang an rel mi cu Genesis 1 :1-10 tiang hi a si.  Cuhnu nitlawmpal pal a rauh ah him tein vawleipi an rak phan. Atanglei hi Bible ca an rel lio video a si.

Genesis 1: 1-10 ” A hramthawk ah, Pathian nih van le vawlei a ser hna tikah, * 2vawlei cu mui zong a ngei lo, pungsan zong a ngei lo. Rilipi cu muihnak nih a khuh i ti cungah cun Pathian ṭhawnnak * cu aa chawk. 3Cun Pathian nih, “Ceunak um seh,” tiah a ti i ceunak cu a hung um. * 4Ceunak cu a zoh i aa lawm. Cun ceunak le muihnak cu a ṭhen hna i 5ceunak cu “Chun” tiah min a sak i muihnak cu “Zan” tiah a ti. Zanlei cu a hung dih i zinglei kha a hung um — cucu ni khatnak ni cu a si.

6Cun Pathian nih cun, “Ti le ti a ṭhentu hna ding caah aa kuaimi van pakhat in um seh law, ti cu hmun hnih ah um hna seh,” tiah a ti i cu tining cun a hung si. * 7Cuticun Pathian nih cun van kuai cu a ser i a tang i a ummi ti le a cung i a ummi ti cu a ṭhen hna; 8van kuai cu a min ah “Van” a sak. Zanlei cu a hung dih i zinglei kha a hung um, cucu ni hnihnak ni cu a si.

9Cun Pathian nih cun, “Van tang i a ummi ti cu hmun khat ah i pum hna seh law vawlei kha hung lang seh,” tiah nawl a pek i cu bang cun a hung si. 10Vawlei cu a min ah “Vawlei” a sak i a pumhtermi ti cu “Rili” tiah a ti. A tuahmi kha a zoh i a lung a si.

Ref: CBN News, NASA