Tukum CYONA Miss Zuam Ah Kansas In Ai Zuam Dingmi Diana He Biaruahnak

Ka nu le pa cu Chuncung khuami Pu Lian Cung le Pi Bawi Iang (Sui Tlem) an si. Ka min cu Diana Tluang Chin Par a si i dawtnak in Diana tiah an ka auh, kum 20 ka si. Ka rih zaan hi 116 a si i,  ka tung san 5’1” a si. Atu hi Kansas City, Kansas ah kum 5nak kan um lio a si. Sianginn hi Wyandotte High School in ka dih, ka major cu Performing Arts a si.

Hmailei ah Pathian nih a rem a ti ahcun Gym Coach si khoning law ka duh ngai. Cu a si khawhnak ding caah class kai ding zong kai timtuah. Exercise tuah hi minung ngandamnak lei zongah a tha, cun mah le mah zumhngamnak zong a chuahter. Kan lungthin thabat zong a damter deuh fawn. Mah caah cun Laimi caah siseh, mivialte a herhtu hna caah lungthin taksa damnak ding bawmhchanh khawhnak dingin Gym Coach pakhat si te ding cu ka tinhmi a si.

Tutan hi kanmah state ah CYONA tuah ding a si tikah kannih Kansas ah cun Laimi a ummi zong kan tlawm i tuanvo va lak si loin zeilei paoh ah ka si khawh tawk le tuan khawh tawk in tuah le tuan kai tim ko. Miss Luchin cu ka ngah bal lo. 2013 lio CYO an rak tuah ah khan fashion ka rak i zuam bal. Atu ah Miss CYO Kansas ka vun si tikah, hi bantuk tiang a ka phaktertu hi Pathian a si caah ka lawm. Cun, Kansas CYO hruaitu upate an cung zong ah ka lawm. Tutan CYONA miss zuamnak dingah hin a zeilei paoh in ka si khawh tawk in cun kai timlam ngai ko. Ka pumrua thatnak dingah Gym kal in exercise ka tuah tawn.

Zuamnak a simi ah cun teinak le awnnak hmuh duh cio a si bantukin, mah le mah zumhnak ngeih cu a hau hrimhrimmi si caah ah ka ngah lai ti zong ka zumh. Cun tutan miss zuamnak dingah hin ka chungkhar lei zong nih an ka dirpi. Cun, Kansas state chungin CYO hruaitu upa hna zong nih ruahnak lei in siseh, thazaang zong an ka pek i, ka chungkhar cung le upate an cungah ka lawm.

Miss hi hei ngahning law mah CYONA miss pakhat dirhmun in kan Laimi hna caah rian ka tuan lai. Biaknak lei in siseh thangthar kan naule nih kan miphun nunphung kan thlau lo nakhnga fakpi in kai zuam lai.

US ah Laimi hi fimthiamnak lei in kan thangcho ngai. State kip zongah kan Laimi nih sianginn ah minthatnak phunphun an hmu. Mah hi kai lawmh tukmi le kai uang tuk khun. A ruang cu sifak lothlo dirhmun in a thudirmi Laimi kan sinak an philh lo ruangah a si. Mah le mah sining le dirhmun i philhlonak nih zuamnak in teinak a hmuh.
US ram ah hin Lai mi kan thancho khawh lonak hi cu zuu a si ko tiah ka ruah. A ruang cu cheukhat Laimi cu Zuu hi a din zia kan thiam lo. Zuu nih kan in chungkhar a hrawh, kan nun zong a hrawh i kan si zong a fahter caah zuu pumpak pakhat kan din ruangah kan miphunpi a thanchoter kho lo ngai tiah ka ruah.

CCN nih hi bantuk in biahalnak nan ka ngeihmi cungah ka Lawm.

-Chin Cable Network Channel

A fb min – Diana Par

Image may contain: 1 person, standing and outdoor

Image may contain: 1 person, standing

Image may contain: 1 person, standing, tree and outdoor

Image may contain: 1 person, outdoor

Image may contain: one or more people

Image may contain: one or more people and indoor