US Hlutdaw Chungtel Muslim Nu Nih Mike Pence A Zumhnak A Nihsawh Piak

Zahan naite ah an thimthar mi US hlutdaw chungtel pakhat a sive mi Muslim nu Ilhan Omar (D-Minn.) timi nu nih US Vice President Mike Pence zei rello taktak in a zumhnak kongah a nihsawh tiah CBN News nih a langhter.

Ilhan Omar
Mike Pence zumhnak a nehsawh tu Muslim nu

Tuzarh chungah khan US innraang pi ah Democratic party le Republic hruaitu hna cu ramri vampang chonnak kongah ton biaruahnak an ngei. An lung ai khah lo caah an biaruahnak zong a buai taktak.

Cu lio i Mike Pence a mit ai chinh lio hman an thlak mi cu Muslim Omar timi Muslim nu nih a lak i Twitter ah a post, ca a ttial chih i ” Jesus Take The Whell” (Jesuh nih a mongh)  tiah a ttial. Mike Pence hi Khrihfa pasal ttha, Jesuh ai tlaih bak mi a si caah Muslim nu nih zeirel lo taktak in a zumhnak kongah a soisel, a nihsawh piaknak hi a si.

Muslim nu nih Mike Pence mitchinh lio pic a taarmi

Muslim nu Omar nih Mike Pence hmanthlak le a nihsawhnak bia ca a ttial mi cu tlawmpal ah vawleipi nih an theih colh. Mi tampi nih Muslim nih cu an soilsel. Bianeek in ” midang zumhnak na nehsawh hna cu a ttha mi a si” tiah Paul “the Book Guy” Alve timi pa nih a comment.

A dang pakhat nih comment a pek ve mi cu ” Zoh hmenh uh! a tu bantuk caan ahhin dakaw an zawng ( colour) taktak cu a langh tawn cuh! midang zumhnak upat ding si” tiah a comment ve.

US Hlutdaw chungtel ah Muslim nu pakhat nih an i tel ve. Omar hi pakhat cu a si. Kum 2012 lio zongah Israel a soisel nak twitter ah rak ttial i an rak buai taktak hoi. Mah nu hi zeitindah an ti te lai cu theih a si rih lo.

Ref: CBN News