‘WWIII’ Vawlei Raalpi III Caah Russia Timhlamhnak Phun 10

Defense Training Exercise: Russia nih a rammi raalpi caah a timhlamh ko hna tiah fianternak cu October 4th, 2016 in khan ai thok. Mangtara in a tammi a rammi nuaih 40 minung hna cu ni li chung a cawnpiak, raal a thoh tik/hnuah zeitindah cawlcangh, rianttuan, i kilven, i thlopbul tbk vialte a cawnpiak hna.

Ruahlopi in a cang sualmi thil a um tikah khamhtu (emergency rescuer) hmanh nuaih hnih (200,000) a chiah hna. Hriamnaam-thilri lei zohkhenh tawlreltu bu zong sang nga (50,000) an si. Ram tampi nih hi bantuk an tuah ah hin pumpeek in minung 1000 hrawng lawng an si tawn. Nitlaak lei ram nih an ruahning ah Russia nih a raal hna a kan tlerhkhawnh ti a si.

Nuclear Armament: 2010 ah, Russia nih hnatlaak minthutnak thar a ngei. Mah cucu Russia le USA nih an nuclear le ballistic missile hriam ser tlawmter/zorter a si. Nain, Russia nih a nuclear hriam a tthanchohterning zoh ah ‘zorter’ hnatlaak minthutnak cu a zul theng lo ti a fiang. France ram tluk hrawng a simi ram second khat ah a hloh dih khotu nuclear hriam thar a ser.

Mah hriam hi ‘Satan-2’ tiah a min peek a si i, a thlithup in sermi le a raal hna radar system a hrial khomi a si tiah theih a si. Zei zat dah nan ser, a thar nan ngeihmi zei zat, tiah biahalnak cu Russia Defense Ministry nih a let duh lo, a thuh. Theihmi leeng in ttih a ning tinak a si. Hlathlaitu nih an ruahning ah Russia nih 7,300 nuclear hriam thazaang a ngei ti a si, USA nih 6,970 lawng a ngeih lioah mu. Raal thawh i timh lo cun zeiruangahdah Russia nih hi tluk lawmmam hin hriam thar a ser hnga tiah ruah awk tampi a um.

The Return of KGB: KGB hi 1954 in Soviet Union caah an humhimnak hrampi  a si (main security). Mah hi raalkaap rianttuannak a si i, thlithup palik le ram chung humhimnak bantukin an cawlcaang. Eihmuarnak le mi thah in an min a thang, Soviet dirkamh lo tiin lunghrinh ruangah minung a nuaih in a rak thattu phu kha an si.

Putin zong hi KGB officer pakhat a rak si i, ram chung humhimnak remh dingin bia a rak chim. A raal hna lakah i kilvennak caah a tuahmi a si i, atu ahcun KGB nih hmunhma a laak dih cang.

Cyber Attack: October 7th, 2016, ah khan US nih Russia cu Democratic Party raalchanh in na cawlcang tiah sual a phawt. Meivan mifir pawl nih Democratic officials email 19,000 an fir ti a si.

Russia nawlngeitu nih kan hngal lo, kan tuahmi a si lo an ti nain US nawlngeitu nih cun rampi i thimnak ah buainak umter an duh caah an tuahmi a si ko an ti ve.

The National Defense Control Center: 2016 ah khan Russian Defense Minister nih ram leeng raal dohnak kongah an i tinhmi ruhlang in a phuan. A tawinak in chim ahcun, Defense Ministry nih cozah zung a tlaih viar lai, ram chung pennak le palik a uk lai i, Russia cu military state ah a thlen lai. Moscow ah a thar in National Defense Control Center an dirh tinak a si.

Inn ngan pipi an si i, ‘white house’ bantuk deuh in a chungah a ummi cu ‘supercomputer’ (ahleiin rian a ttuan khomi computer), lei tangin raal hriam laak-kuat khawhnak kua le lei tang hriamnak le thilri tbk pawl an tling dih. Phun dang in chim ahcun raalpi caah hmun ttha le hriam ttha taktak lawngte an si.

Reformation of the First Guards Tank Army: 2016 ah khan Russia nih a FGTA tharchuahnak/remhnak a lim cangnak kong kha a phuan. Cu hlanah hi pawl hi a hraang taktakmi Soviet raalkaap phu an si. Vawlei Raalpi IInak ah khan ‘Red Army’ bantukin an rak um.

1968 Czechoslovakia luhhnawhnak i ram chung mi 108  thahnawnnak zong ah khan anmah pawl hi hruaitu an si. A hnuah hi pawl hi an um ti rua lo tiah ruah a si nain atu cu a thar in a dirh tthan tikah raalpi III caah an i timlaam ti khawh a si.

Deploying Missiles in Kaliningrad: 2016 ah khan Kaliningrad, Portland le Lithuania karlak ah hmun bite a ngeihmi, ah Russia nih nuclear missile a chuahter khomi raal hriam an chiah. Hi hmun hi Nitlaak ram khuapi Berlin ti bantuk fawite in a kah khawhnak a si. A pawngkam ram nih an duh lo nain Russia nih ka raal US ti bantuk lakin kai vennak a si a ti.

Families of Russian Officials: 2016 ah khan Russia nih a officials cozah rianttuan hna cu ram dang le hmun dang ah ca cawng in a ummi an fale vialte kirter in Russian sianginn ah kaiter viar dingin nawl a chuah. Cu a tuah lomi cungah lehrulhnak a um lai tiah thawng a thanh.

Propaganda: A zumhning le ruahning karhternak caah a mipi le a cawnpiak hna, raal a thawh sual ah tiin timhlamhnak an ngei. TV network nih bomh in i khamnak kong kha a cawnpiak, a thanh hna. Russian TV network ngan Zvezda nih, “America nih a nuclear cu Moscow hmuitinh in a taat/a remh” tiin a phuan mei ko. A mipile kha American huat dingin a cawnpiak hna khi a si.

Underground Bunker: American Intelligence nih a theihmi cu Russia nih hin kum tampi le tangka tampi dihin kahcham/khur an cawh ti hi a si. Cu an cawhmi cu nuclear hriam zong nih a hrawh khawh lomi a si. A thongthong in Russia vulei tangah an um i, khur pakhat nih hin minung 3,000 a tlum.

Vawlei raalpi tho sehlaw hika khur chungah hin Russian mi tampi cu an i thup lai tinak a si.