Zu Ding Ruangah Minung 100 Renglo An Thi

India ram, Uttarkhand State i Haridwar khua le  Uttar Pradesh State pawng umm khuami nih chuan chommi zu an din caah minung 100 renglo an thi tiah India palik nih an langhter.

Zu zuartu ah lunghrinh mi minung pali zong an tlaih cang hna. Zu an din ahhin an pawfak, an thaw chuah a hman colh lo. Tlawmpal an um ah an nunnak a liam tiah khuami cheukhat le palik nih an chim.

Image result for 0ver 100 people died in India

Chuan chommi zu an din ruangah Haridwar khuami cu minung 36 an thi i minung 18 hi siizung ah thlopbul cuahmah lio an si. Uttar Pradesh ahhin minung 69 an thi tiah India Express nih a langhter.

India ram ahhin phungning loin a thli in chuanmi le serchommi zu hi a tam ngaingai. A tlangpi in an serchom mi zu hi zu ttha lo taktak a si. Zu ttha lo din ruangah tutan hi India ramah a thi mi an tamcem caan a si lai tiah India Express nih a langhter.

Ref: India Express , Press tv